طب واللبن المسكوب ؟
نبكي عليه ليه هو كان من أخر بقرة فى العالم...اشتري غيره
طب ونص الكوباية الفاضية
نكمله قهوة وهات دونت وانت راجع وهنتبسط كلنا
وهنعمل ايه مع السعي الذي لا يضمن حتمية الوصول ؟
ادينا اتمشينا وشوفنا الدنيا ..بطل نكد
طب والحروب التي نخوضها ولا يعلم عنها احد؟
منديل وارفعه راية استسلام...بتدخل معارك ليه من الاول اصلا ماتهدى شوية
ولو بقينا السيئين فى رواية أحدهم ؟
ياعم احنا السيئين فى روايتنا احنا شخصيا
طيب أين يذهب الانسان عندما يشعر ان جميع الأماكن لا تناسبه؟
ينام ياحبيب قلبي ينام وبكره هيبقى زي الفل السرير عمره مافشل يحتويك ومخدتك عمرها ما قالتلك لأ
سنبقى وحيدين فى النهاية ؟
عادى هنطلب أكل ونشرب موكا ونعمل احلى movie night.